Sei que este ano vades reformar o mercado do progreso, pero teño unha duda que dexeso que ma respondas. ¿Vaise tamen reformar a praza de arriba do mercado?. Eu penso que deberiase reformar a praza porque o seu actual estado e moi deplorabel e unha vergoña como esta. Tense pensado algo para a praza? Creo que una fonte, prantas,… seria unha boa idea, algo parecido a praza de Portugal quedaria moi ben e tendria moita mas vida ca agora.

Tamen queriache comentar que nas prazas do casco vello deberiase dotalas de personalidade propia a cada unha mediante, esculturas, fontes,…, algo que dese sentido as prazas do casco vello, algo especial en cada unha de elas.

Por ultimo comentarche que xa que eres o cencelleiro de turismo deberiase contemplar a posibilidade de iluminar mas edificacions da cidade que hoxe non o estan, como por exemplo o edificio bonin, algo tan espectacular deberia estar iliuminado. E moi agradabel para o transeunte que recorre unha cidade de noite fixarse nas edificacions mas espectaculares da cidade e isto conseguese iluminando os edificios.

Por hoxe nada mais, espero que contemples as miñas propostas e gracias por atenderme.

———-

RESPOSTA

Aprezado Borja:

O proxecto de reforma que temos previsto para o mercado do Progreso nunha primeira fase só abrangue as instalacións do mercado, xa que é o que ten competencia directa a Concellería de Comercio. Sen embargo, xa está previsto abordar máis adiante esa actuación, que é totalmente necesaria.
En canto a túa proposta para as as prazas do Casco Vello, recollo a suxestion, aínda que quero que saibas que nestes momentos o noso esforzo está volcado na rehabilitación de edificios, mellora das rúas, dotación de servizos, apertura de novos referentes culturais e dinamización social. Cando teñamos esta fase rematada, será o momento de abordar cuestións como as que ti propós.
A respecto da proposta para a iluminación de edificios direiche que é algo no que xa temos dados pasos. O último edificio que dotamos de iluminación artística foi a iglesia de Santiago de Vigo.
Moitas grazas polas túas suxestións e unha aperta.

——–

RESPOSTA

Aprezado Cristian:

Eu defendo e seguirei defendendo a posición que considero que é mellor para a miña cidade. Iso é o que me move, ningún outro interese. Creo sinceiramente que a miña posición, que é a do BNG, é firme, serie e honrada, cualificativos que ti pides para dirixir esta cidade. Esa é a miña forma de proceder en política. Por iso continuarei defendendo o que creo que mellor para a miña cidade, que é unha fusión das caixas galegas e non que Caixanova se alíe con caixas de fóra (Cantrabria, Murcia, Madrid…) o que nos deixaría sen pode de decisión. O que Vigo debería estar facendo neste momento é loitar para que nesa fusión se respecte o peso económico, industrial e financiero que agora ten. Esa é a batalla que a nosa cidade ten que gañar e da que deberiamos estarnos ocupando. Lamentamente estase predendo o tempo, con actitudes de falso localismo, que poden resultar moi efectistas, pero nada máis.
Un saúdo.

Alternativas para os autos do casco vello 1,2,3 conteste outra vez:

-Poñer un aparcadoiro municipal ó aire libre cun custo moi reducido(menos de 30€/mes) en calquer parte de cidade controlado 24h por un vixiante, e poñer lanzadeiras (bus) gratuitas dende o casco vello ó aparcadoiro a tódolos usuarios do mesmo. Isto sería unha solución moi boa tanto para a xente maior que non adoita a usar o coche tódolos días como para os que non se poden permitir unha praza que vai dende os 93 os 140€.

¿xogamos? 1,23, conteste outra vez…

——–

RESPOSTA

Aprezado Xacobe:

Alédome que coincidamos no punto de partida, que é o feito de que o proceso de recuperación do Casco Vello non pode desenvolverse se o barrio é un aparcadoiro do coches. Dito isto, o certo é que o Concello xa está dando alternativas. En ningunha outra zona da cidade se ten posto en marcha un plan de axudas para que os veciños e veciñas podan ter descontos nos parkings soterrados. Moi mala non debe ser a medida, cando estamos recibindo protestas doutras zonas da cidade pedindo que tamén se lles subvencione a eles o aparcamento.
Por outra parte, desde a Concellería de Patrimonio Histórico estase tamén traballando para incorporar modificacións no Pepri e permitir que os baixos dos inmobles podan empregarse como garaxes. Son algunhas das alternativas que estamos ofrecendo aos veciños e veciñas, pero o que o Concello de Vigo non pode é resolver cada un dos problemas particulares, que como ti ben dis son os que ao fin e ao cabo acaban saíndo a luz cando se fala dos problemas de aparcamento no Casco Vello.
Imos seguir traballando pola recuperación do barrio e por conseguir que os seus veciños e veciñas teñan unha mellor calidade de vida, pero para elo precisamos ter tamén a vosa colaboración.
Unha aperta.

——–

RESPOSTA

Aprezado Xosé:

Grazas polo teu apoio. Podes estar certo de que imos seguir traballando na recuperación do Casco Vello para a cidadanía e ademáis dos proxectos que xa están en marcha imos seguir impulsando a súa dinamización social para facer que a xente volte ao noso barrio histórico, pero tamén precisamos que a iniciativa privada de implique. Moitas grazas polas túas suxestións.

Un saúdo.

——–

RESPOSTA

Aprezada Elena:

Desde que o BNG asumiu a xestión do Casco Vello podo dicirlle que nunca se ten feito tanto polo barrio histórico en tan pouco tempo. En menos de tres anos conseguimos poñer en marcha un proceso que xa non ten volta atrás na recuperación do barrio. Os que mellor o saben son os veciños e veciñas do Casco Vello que recoñecen o traballo que estamo a facer. Rehabilitación de edificios, mellora do entramado viario, dotación de servizos básicos, novas dotacións culturais, dinamización social… Posiblemente vostede ao non estar vivindo en Vigo non perciba no día a día ese cambio, porque o certo é que o grado de deterioro do barrio era moi importante, como consecuencia do abandono que sufríu nas últimas décadas. É certo que queda aínda traballo por facer e imos a continuar na liña que iniciamos hai tres anos para que a recuperación do Casco Vello sexa realidade na súa totalidade. Cando asumín a miña responsabilidade dixen que non sería posible nun só mandato, que precisariamos algo máis de tempo, pero o que é inengable é que hai un proceso en marcha que xa está dando os seus froitos. Agardo que en pouco tempo vostede, como o resto dos vigueses e viguesas, poda sentirse orgullosa do noso Casco Vello.

Un saúdo.

Con respecto aos investimentos na cidade de Vigo estou totalmente dacordo e penso que se deberían cambear esas táboas de medir para todolos investimentos . Non podo entender que un ministro poda facer mais por un lugar que outro . Non podo entender que unha persoa , sexa ministro ou presidente, poda decidir ónde inviste os cartos que tén. como non podo entender que un conselleiro ou presidente da Xunta faga o mesmo. ¿ que parámetros segue para facelo? ,¿ Amizade?, ¿ Intereses políticos?, ¿ Si ti me das eu te voto?,
As decisións están tomadas por persoas , algúns chamados técnicos, pero a decisión tería que estar tomada por parametros de xustiza , favorecendo como sería xusto aos mais necesitados , no noso caso aos concellos do interior da Galiza.

———

RESPOSTA

Aprezado Xosé:

Comparto as túas reflexións. Rexeito totalmente eses sentimentos de localismos excluíntes, que xeran enfrontamentos sen sentido. Debemos traballar para acabar con esas actitudes que lonxe de beneficiar, o que fan é debilitar a nosa posición como cidade. Vigo é unha peza fundamental para Galiza por ser o seu motor económico e industrial, por iso precisamente o que é bo para Galiza tamén o é para Vigo. E se de algo non cabe dúbida é de que o mellor para Vigo e para Galiza é que teñamos unha caixa galega forte e ao servizo dos intereses do noso país. Debemos fuxir dos posicionamentos que só buscan acadar réditos políticos e defender xuntos o que é mellor para a nosa cidade e para Galiza.

Unha aperta.

Propoño unha idea: fagan uso do web do Concello -no que hai que estar identificado para participar- e abrir temas que a xente poida votar (como por exemplo, o da fusión das caixas galegas), ainda que iso supoña perder o poder de mandar sobre todos nos -que gran desgraza-.

Eu, por exemplo, e a meirande parte da cidadanía, habería votado que NON nesa web a:

-Gastar mais de 80 millóns de euros no Plan PPP 1 e 2 (sí, sí, como se lle dí en todo o país, o Plan Pavimentos, Piscinas e Paridas), do que facedes tanta gala.

-Gastar outra chea de cartos na remodelación de Balaídos para que veñan a xogar 4 días unhas seleccións de futbol, e de cando en cando o Celta

-Adicar outra millonada -como se nota que os cartos non son vosos- a aventuras como a Universiada, o stand de Turismo en Fitur, o famoso video promocional, as alegres axudas de María Méndez a pobos e países que nin coñecemos, etc, etc, etc.

Non sei se te das conta, pero a meirande das críticas neste blog son para esas ‘revolucionarias ideas’ que tivesteis, que non agradan a naide, e que arruinaronnos a todos (como podes andar coa cabeza erguida pola rúa, vendo os comercios pechados a xente no paro…).

Tendo na túa man o sector turístico, que é o que máis servizo, cartos e emprego lle pode dar a unha cidade, non hai nada salientable. Só o poboado do Castro, pero, concelleiro, cobra a entrada: xa non temos máis cartos para soster gratis estas cousas.

Que en toda Europa se paga para ver unha cousa así.
Mesmo na Guarda.

Sinto se son duro, pero pasaredes á historia como o Goberno que máis gastou, con menos resultado.

——

RESPOSTA

Aprezado Jacobo:

Respeto as túas opinións, pero non as comparto. Creo sinceiramente que esta cidade precisa que se arranxen as súas rúas, ter máis instalacións deportivas, incrementar ás axudas que precisan ás persoas que máis o necesitan, promocionar a nosa cidade e outras moitas cousas que ti consideran innecesarias, posiblemente por non coñecer en profundidade eses proxectos e a repercusión social que teñen. Falas de que se pechan comercios, é certo, e por iso o ano pasado puxemos en marcha por primeira vez unha liña de axudas directas ao comercio e outra para fomentar o consumo no pequeno e mediano comercio por valor de 1,2 millóns de euros, que imos repetir este ano. Falas tamén de que teño na miña responsabilidade o sector turístico e te queixas de que non hai nada salientable, ao tempo que criticas que Vigo se promocione en Fitur, a maior feira do mundo do sector turístico. Se queremos que Vigo sexa un destino turístico relevante a promoción en eventos deste tipo é fundamental, como o é a creación do Vigo Convention Bureau que vimos de crear ou o Plan de Competitividade Turística (Vigo era á unica cidade galega que non o tiña). Por certo, para a túa información o noso stand nesa feira estaba dentro do de Turgalicia e o desembolso económico que tivemos que facer non foi moi elevado.
Refíreste tamén á Universiada e quero que saibas que o simple feito de ternos presentado como candidatos xa ten reportado a esta cidade un beneficio importante, xa que foi unha fiestra que nos permitiu darnos a coñecer a nivel mundial no mundo deportivo e grazas a eso a nosa cidade acolleu (Mundial de Hockey) e acollerá no futuro diferentes probas internacionais, que deixan un retorno económico importante no sector hosteleiro e hoteleiro da cidade. En canto ao proxecto de Balaídos temos moi claro que a súa reforma non será viable se non existe unha implicación de todas as administracións, pero o que ninguén pode negar é que esa instalación deportiva, que é municipal, precisa unha reforma. Por último direiche que despois de tantos anos esquecido e abandoado, o mínimo que lle podemos ofrecer aos vigueses e viguesas é que gocen gratuitamente da musealización do poboado castrexo do Castro.
Un saúdo.

Creo que es un grave error nigunear una manifestación como esa y entrar en una guerra de cifras. ¡¡¡ Hubo muchisima gente !!!!!!!!. Si extrapolamos esta convocatoria a nivel Galicia hablaríamos de una manifestación de 400.000 personas. Me parece que te estás confundiendo y Caballero te ganó esta batalla en Vigo. No quiero entrar si Caballero tiene o no razón, lo único que digo es que el tiene muy claro lo que busca ( ser el Paco Váquez de Vigo ) y lo está consiguiendo. La manifestación de ayer no iva encontra de la fusión de Caixas, sino en contra de la descriminación historia que sufre Vigo. Cualquier populista demagogo que sepa coger esta bandera en Vigo estará muchos años en la Alcaldía. Despierta de una vez y no entres en guerras ridículas y absurdas como la declaración de hoy por la mañana. Vigo está harto de que todos los políticos de este país lo tengan como un cero a la izquierda por falta de un lider. Por favor que este lider no sea Abel el demagogo.
Para finalizar decirte que mi voto nos es cautivo y si aparece este lider que de verdad lleve a esta ciudad a donde se merece, populista o no, nacionalista o no, tendrá mi voto.
Recibe un cordial saludo

——

RESPOSTA

Aprezado Cristian:

Posiblemente ti non escoitaras todas as miñas declaracións a respecto desa manifestación. Empecei a miña intervención dicindo que respectaba profundamente a todas as persoas que se manifestaron, porque creo que todas elas pensaban que coa súa participación estaban demandando o que consideran mellor para a súa cidade. Dixen tamén que o único que non quería é que esas persoas decubriran nuns meses que a súa participación nesa manifestación non era en defensa de Vigo nin de Caixanova, senon para impedir unha fusión que levará a Caixanova fóra de Vigo e de Galiza.
A respecto das cifras o único que dixen é que, no que todos estabamos dacordo, tendo en conta as cifras que aparecían nos medios de comunicación, era en que non había 300.000 persoas manifestándose. En ningún momento ninguneei nada, nin a ninguén, porque defendo a liberdade de cada persoa para expresarse o manifestarse na defensa das súas posicións.
Dito isto, o que tamén podo dicir é que dende logo o que eu non son, nin serie nunca, é un populista demagogo (empregando a mesa expresión que ti utilizas). Eu non collerei ningunha bandeira polo simple feito de conseguir votos. Eu defenderei sempre o que considero que é mellor para a miña cidade e para Galiza, aínda que me coste algún voto. Calquera outra forma de actuar iría en contra dos meus principios e da miña coherencia política.
Unha aperta.

———

RESPOSTA

Aprezado amigo:

Para deixar os comentarios tedes dúas opcións. Ou ben podedes empregar a sección Expresate, ou ben deixar a vosa opinión en cada un dos artigos. Pinchando no título entras no artigo e ao final tes un apartado para deixar o teu comentario.
Unha aperta.

un saudo

—–

RESPOSTA

Aprezado amigo:

Coas indicaciós que me fas non podo saber a quen te refires. De todas formas o que che podo dicir é que a min encantaríame que todo o mundo falara galego, pero non podo obrigar a ninguén a facelo. Cada quen se expresa na lingua que quere e iso debemos respectalo, aínda que o lóxico é que se unha persoa é entrevistada nun medio no que a lingua de expresión é o galego, empregara a nosa lingua.
Para chegar a esa situación aínda temos un camiño por diante que percorrer e a nosa obriga é dende a Administración impulsar e fomentar o emprego do galego en todos os ámbitos. Iso é o que estamos a facer.

Unha aperta.