O Celta de Vigo e a cidade
Unha vez que ten rematado a temporada futbolística quixera facer unha reflexión a respecto do club máis representativo da nosa cidade, o Real Club Celta de Vigo. Non pretendo inmiscuirme no aspecto deportivo, onde o Celta ten plena autonomía, pero si comentar aqueles aspectos que teñen que ver coa súa situación económica actual e co papel que o Concello de Vigo debe desenvolver.
Vaia por diante que son celtista desde os seis anos, ademais de abonado e accionista do club, e o son porque considero que hai que apoiar aos nosos emblemas deportivos, culturaris, sociais… Iso si, o meu é un apoio individual e persoal. Cada vez que renovo o meu abono é cos meus cartos e co meu esforzo económico, ao igual que o fan todos e todas os afeccionados que tamén apoian ao noso club.
A realidade é que o Celta está nestes momentos diante dunha situación económica preocupante, proba delo é que quere acollerse á Lei Concursal para poder renegociar a débeda existente e elaborar un plan de viabilidade económica que lle permita encarar o futuro con garantías. Unha vez máis, e xa van sendo moitas, asistimos a unha situación da que única e exclusivamente é responsable a propia xestión realizada polo Celta. Aos socios, abonados e cidadáns en xeral non se nos ten consultado, nin puidemos incidir nas directrices económicas ou na planificación do club.
O Concello de Vigo leva máis de 20 anos facilitándolle ao Celta un instrumento moi importante para a captación de recursos económicos. O club ten de xeito gratuito o uso dunha instalación municipal como é o estadio de Balaídos, pero tamén utiliza uns terreos de propiedade municipal na Madroa para adestramento de todas as súas categorías. Non só iso. Tamén se lle permite a explotación de todos os dereitos de publicidade do campo, así como das cantinas e outros espazos do estadio que o equipo sempre utilizou sen nengún tipo de contraprestación. Mesmo hai que lembrar que a día de hoxe non se ten regularizado nin siquera o pago da luz e a agua desas instalacións, que lle correspondería ao Celta, e non podemos obviar que as obras importantes de remodelación ou de mantemento da estructura de Balaídos teñen sido asumidas sempre a través dos cartos do erario público.
Chegado a este momento aos responsables políticos non nos pode vencer o noso corazón de afeccionados. Eu sempre quero e vou querer o mellor para o Celta, pero como responsable político teño que dicir que os cartos públicos son de todos os vigueses e viguesesas, dos que nos gusta o fútbol e dos que non. Estamos viviendo desgraciadamente un tempo de crisis económica. Vemos como os pequenos e medianos comerciantes están sufrindo para manter os seus negocios. Asistimos nas rúas da nosa cidade a manifestacións de traballadores e traballadoras reclamando o mantemento dos seus postos de traballo. Diante disto os políticos temos que ser valentes e non deixarnos levar por un certo populismo ou pola demagoxia. Se a pregunta é ¿hai que apoiar ao Cetla? Eu digo con rotundidade que si, ao igual que temos que apoiar aos distintos sectores que son tamén emblemáticos na cidade e a outros moitos equipos que levan anos esforzándose ao igual que o está a facer o Celta.
O problema non está en ampliar o convenio que o Concello ten co Celta. O problema está en como se amplía e en que condicións. Hai que marcar claramente as contrapartidas que o club ten que repercutir na cidade. O Celta terá que colaborar coa cidade na reforma dun estadio do que é o principal beneficiario, poñendo enriba da mesa parte dos seus dereitos en publicidade, explotación de locais comercial… para axudar economicamente a esta remodelación. No convenio terán que reflectirse e regularizarse as contraprestacións económicas que o club terá que afrontar e tamén as de tipo social que o Celta terá que revertir na cidade.
Sei que esta opinión pode parecer impopular nalgúns sectores do celtismo, pero estou certo de que os pais e nais, os traballadores e traballadoras que imos a apoiar ao noso equipo todos os domingos e que pagamos as nosas cuotas sabemos diferenciar claramente o límite entre apoiar a fondo perdido a unha sociedade anonima deportiva e o apoio que se lle pode dar ao club, como se fai con outros sectores, esixindo as xustas contrapartidas.
Cantos saneamentos, cantas renegociacións se teñen feito xa para sanear aos clubes de Primeira e Segunda División, dicindo sempre que sería á última? Para que sirven as sociedades anonimas deportivas se ao final os seus desaxustes económicos temos que pagalos todos os contribuíntes?
Eu seguirei indo a Balaídos e apoiando ao noso Celta, ao igual que aos demais equipos desta ciade, pero non permitirei que a miña condición de afeccionado me faga perder a responsabilidade política que temos cos nosos administrados e administradas que son os vigueses e as viguesas.
Etiquetas: Celta, Contrapartidas, convenio, Lei Concursal, situación económica, Vigo
3 de Xullo do 2008 ás 3:54 am
Plenamente de acuerdo con Santiago Dominguez en su articulo sobre el Celta y estoy convencido que la gran mayoría de los ciudadanos de Vigo tambien. Las promesas del alcalde, serán tan virtuales como las que hizo sobre el puerto.
Santi, yo no le vote, pero aplaudo su valentía en este tema.
—————-
RESPOSTA
Aprezado Voltaire:
Non é cuestión de valentía. A miña posición sobre a situación do Celto é froito da responsabilidade política.
Grazas polo seu apoio.
Un saúdo.
2 de Xullo do 2008 ás 2:15 pm
Aprezado Sr. Domínguez:
Quizais non son o mais indicado para facer comentarios sobre a política municipal de Vigo nin as directrices que os responsables do Concello deben seguir, pero hai cousas na súa carta que merecen cando menos unha certa réplica.
Estou totalmente dacordo coas suas afirmacións respecto a nula responsabilidade do Concello na actual situación do Celta, sobre o uso que se lle da ós cartos públicos e sobre a actual situación de crise económica que vivimos e que debería provocar reflexións moi profundas antes de facer calquer tipo de inversión.
Podría discutirse, e moito, o trato que recibiu o Celta por parte do Concello durante estes últimos anos.
Eu ainda lembro como unha vez chegados a maior cota deportiva que logrou este clube - a clasificación para xogar a Champions League - falouse sen ningunha vergoña de ir a xogar a Porto porqué o propietario do estadio négabase a facer as obras necesarias que exigía a UEFA. Nin para aproveitar un motivo de poñer a Vigo en Europa recibiuse o mais mínimo apoio e tivemos que discutir canda deberíamos estar de celebración.
Ou como o Celta non pudo facer un novo estadio nin ampliar as suas instalacións de Balaídos porqué Citroën non estivo dacordo coa complicidade do Concello.
Así que a hora de falar de tratos de favor para o Celta a cousa podría discutirse e moito. E ainda que as comparacións son odiosas, se entramos a valorar actuacións municipais noutros concellos veciños (A Coruña, Pontevedra, Lugo, etc.) entón xa non hai discusión posible respecto ó concepto de apoio institucional, onde concellos, deputacións e Xunta mollarónse e ben a prol de determinados clubes. Xa non imos saír ó exterior e mirar o trato que dispensan ós seus clubes noutras cidades do estado español (Barcelona, Madrid, Valencia, etc.)
E xa postos a dar detalles sobre as obras de Balaidos ou os pagos dos recibos da luz, non quedemos ahí e digamólo todo: que as obras de construcción das instalacións da Madroa foron feitas con cargo ao Celta. Ou por ter un pouco de memoria histórica, agora que está tan de moda, lembremos coma a titularidade dos terreos de Balaidos chegou a ser municipal: mediante cesión duns particulares propietarios para que a cidade tivese un club de futbol con un estadio acorde a máxima categoría.
Pero penso que esquece - intencionadamente ou non, non o sei - o valor que o Celta aporta a cidade no seu planteamento da situación. E esto é o que mais me preocupa do tema: que se faga un planteameneo sinxelo da situación e non se teña a suficiente amplitud de miras para ver todo o que pode aportar o clube a cidade.
Porqué coma a responsable institucional espero que sexa capaz de entender que o Celta, ainda que S.A.D., empresa ou como lle queiran chamar agora, é un símbolo da cidade.
E non sólo da cidade, se non de toda Galiza.
Eu non son vigués, censalmente non son nin galego, ainda que me considero coma tal. Nacín e vivo en Catalunya e a miña única relación con Vigo é o seu equipo, do cal son seguidor desde que teño uso de razón - a pouca que poida ter - coma equipo galego que é… moito antes de que outros equipos galegos protagonizaran “booms” mediáticos, dos que alégrome moito pero compre decir que tamén contaron con apoios que nos non tivemos.
Vou un mínimo de dous o tres veces a Vigo e ó unico motivo que me leva ata alí é o Celta. Cos anos, a parte da xente fantástica - celtistas todos eles - que coñecín, soupen doutros encantos de Vigo… pero sen o Celta posiblemente non os coñecería.
E coma min, moita mais xente que foron levados ata Vigo polo Celta, xa sexan afecionados ao equipo , doutros equipos que foron ata Vigo porqué o seu xogaga contra o Celta o levados por celtistas ata alá con excusas futboleiras.
Entendo que o uso de Balaídos por parte do Celta ten que ter algunha contraprestación para a cidade. Non sei cal, pero é unha cuestión de negociación entre o Concello e o clube.
Por outra parte, tampouco vexo que uso podría darlle o Concello a Balaídos se o Celta desaparece ou desvinculase de Vigo (casos prácticos temos en Barcelona, onde agora non saben que facer co Estadi Lluís Companys unha vez que maltrataron e invitaron ó Espanyol a irse).
Espero que entenda que na negocación do convenio co clube non se trata cunha empresa normal. Esa “empresa”, con todos os seus erros - que foron moitísimos - proxecta a imaxen de Vigo e Galiza polo resto do Estado e en tempos mellores - que pode que volten - por Europa e o mundo.
E un valor engadido de Vigo, e coma tal debe ser considerado no momento de tomar decisións.
Non se pode presentar un discurso tan simple coma decir que “cos cartos públicos non se financian entidades privadas”. Cos cartos públicos fanse moitas cousas que difícilmente resistirían unha análise lóxica do seu rendemento.
Dúbido que os cartos gastados na consecución da Universiada rendan en término de proxección da cidade como o feito de ter ou non ter un equipo coma o Celta. Dúbido incluso, que habendo logrando a Universiada, no exterior tivese tanta importancia como o feito que terá a posible desaparación do Celta.
Chegados a este punto, pídolle que reflexione sobre os beneficios que o Celta aporta a cidade, ainda que sexan indirectos e sobre o coste de oportunidade que pode ter para o Concello o feito de que o equipo siga ou non.
Non se trata de ser demagogo ou populista e decir a todo amén, se non facer unha análisi seria sobre o que o Celta aporta se sigue ou deixa de aportar se desaparece, e cal sería o coste para o Concello respecto a renovar o convenio nunhas condicións favorables para o Celta.
E sobre todo, coa situación na que estamos e nun momento no que precisamos o máxio de apoios e unidade, lanzar mensaxes catastrofistas, ainda que vestidos de SUPOSTA coherencia institucional e de responsabilidade política, non e o que mais axudará a superar a situación.
Un saúdo desde Barcelona.
———-
RESPOSTA
Aprezado Mnauel:
Respeto as súas reflexións, pero non comparto todas as consideracións que fai sobre o apoio que desde o Concello de Vigo se debe dar a una socieade anónima deportiva que ten que dar conta da súa xestión e é responsable das súas accións. Por suposto, que o Celta proxecta a imaxe de Vigo e é unha parte da cidade, pero eso só non pode servir para que una Administración pública renegocie un convenio sen recibir contraprestacións.
Un saúdo.
24 de Xuño do 2008 ás 3:00 pm
Un aplauso Don Santi,pódese falar máis alto pero non máis claro. Non se poden confundir os sentimentos
——
RESPOSTA
Amigo Xan:
Moitas grazas. Sei que coma ti hai moita xente que entende esta posición. Seguirei defendendo ao Celta, como ata agora, e manteño que desde o Concello poderase colaborar co club sempre e cando haxa contrapartidas.
Unha aperta.
23 de Xuño do 2008 ás 6:40 pm
Sr.Dominguez:
1º debo reconocer que he sido votante del BNG durante muchos años, es más, en las últimas elecciones municipales mi voto fue para Vd. porque además de estar alineado con las ideas que apadrina su partido veia en Vd. a un celtista.Para mi este hecho,que quiere que le diga,fue vital para votarle,yo tengo al Celta como una de mis prioridades y ver que podiamos tener un alcalde que fuese un reconocido socio del equipo, hacia que me decantara más hacia su persona a la hora de las votaciones y digo he sido votante, porque tras leer y escuchar sus declaraciones en este momento tan delicado que el Celta está viviendo, automáticamente Vd y su partido han quedado censurados para mi.Entiendo que para Vd. y su partido no supondrá mucho,6 votos :los 3 mios(ayuntamiento,Xunta y Estado) + los 3 de mi pareja ,pero desde luego espero que esto solo sea el comienzo de una repulsa total del celtismo hacia Vd y hacia su partido.
No dejo de asombrarme al escuchar los argumentos que da para no implicarse y liderar junto al actual alcalde todos los temas necesarios para salvar a nuestra querida institución.El Celta es un simbolo de la ciudad,Vigo se conoce en muchas partes del mundo gracias a nuestro Celta y durante muchos años y gracias a su repercusión mediática dió una fuente de ingresos indirectos a la ciudad que ahora Vd.parece obviar.
Estamos en el momento más delicado de nuestra historia y Vd.pasará a ella como aquel político que dió la espalda al club más representativo de la ciudad,el político que obvio el sentimiento de miles de vigueses.
Tenga un poco de dignidad y rectifique,aún está a tiempo,si por el contrario persiste en su cobarde actitud le pido con todo mi corazón que no sea nunca más socio de este equipo y que por favor NUNCA MAIS pise nuestro estadio.
Saludos y espero que le remuerda la conciencia.
————
RESPOSTA
Aprezado Malvido:
Lamento que razón principal que tivo para votarme fora a miña condición de celtista, porque creo que para elixir a un alcalde hai que ter en conta a súa capacidade para liderar unha cidade e para vertebrar o seu modelo para Vigo, independentemente de que sexa celtista ou non. Teño que dicirlle tamén que non lle vou facer caso e seguirei indo a Balaídos a apoiar ao meu equipo, ao club de toda a miña vida, polo que sempre estou disposto a loitar, pero desde o meu esforzo persoal. Nunca lle pedirei aos viugeses e viguesas que os cartos que deixan no Concello se deriven a unha sociedade anónima sen nengún tipo de contrapartida, para que esa sociedade anónima decida libremente o que facer con eles sin que eses vigueses e viguesas sexan nin siquera consultados. Dacordo co que vostede demanda fágolle unha pregunta ¿para que foron creadas as sociedades anónimas deportivas?, pois precisamente para que si houbera unha mala situación económica foran os propios directivos os que tiveran que respostar co seu patrimonio e non que unha vez máis foran as administracións as que tiveran que rescatar da ruína económica a estas entidades.
O que eu propoño non é máis que axudar ao equipo, por suposto, seguir cedendo Balaídos, pero esixindo unhas contrapartidas claras que repercutan tamén na sociedade. Por exemplo, ¿canto tempo hai que o Celta está totalmente desvinculado do fútbol base? ¿Non pensa vostede que aí hai moito que facer?
En canto a que o Celta leva o nome de Vigo e é un referente que todo o mundo coñece, é tan certo como qye esta cidade é o que é non só polo Celta senon polas empresas que a teñen configurado como motor industrial de Galiza, ou polos traballadores e traballadoras que día a día contribúen ao seu desenvolvemento.
Un saúdo.
23 de Xuño do 2008 ás 4:09 pm
Demita do Celtismo Sr.Dominguez,se tal e como cree debe de actuar dista maneira fagao de forma discreta e non pregoando os catro ventos,¿dice que é celtista??? si así fora non estaria acaparando todolo protagonismo en contra de axudar o nos equipo.Como xa lle dixen noutro e-mail conmigo perdeu 3 votos,eiqui en Vigo,na Galiza e nas eleccions nacionais e cos meus os 3 da miña parella e espero que os de moitos celtistas que como no meu caso poñemos o futuro do Celta diante de todo………Manda carallo,toda a vida presumindo de nacionalista e agora cando pensaba e confiaba en que na miña cidade gobernaria un alcade do bloque e celtista de corazón e obra e atopome con isto,que vergoña sinto……O menos dimita do celtismo Sr.Dominguez,teña un pouco de dignidade e deixe a demagoxia so pra actos electorais,coas cosas do corazón coma o Celta non se xoga,non xogue cos nosos sentimentos.
———————–
RESPOSTA
Aprezado Jose:
Sintoo, pero non teño pensado dimitir do celtismo, porque como xa teño dito son celtista desde os seis anos e como ben di vostede é un sentimento que vai cun. Dito isto, teño que lamentar que a súa decisión á hora de decidir a formación pola que votar se basee somentes en si si é celtista ou non; mellor dito en si como responsable público se apoia ao Celta co corazón, sen ter en conta nada máis. Eu non xogo cos sentimentos de ninguén simplemente adopto unha posición responsable desde a posición na que os vigueses e as viguesas me situaron. Desde logo que eu non lidero ningunha posición en contra de axudar ao Celta. Penso que é posible a ampliación do convenio, pero insisto en que esa negociación debe facerse contando co que o Celta debe aportar. Penso que iso non é demagoxia.
Unha aperta.
23 de Xuño do 2008 ás 6:30 am
Sr.Dominguez,sepa vostede que levei unha grande decepción con vostede,as suas manifestacions a prol de NON AXUDAR O CELTA so conseguiron unha cousa no que a min respeta NON VOLTAREI A VOTAR O BNG nas vindeiras eleccions.O Celta para min e como unha parte mais da miña familia e vostede cas suas declaracions e actitude o unico que me fai e dano……..Que grande desilusion!!!!! Non o esperaba de vostede,todo o contrario,esperaba que fose vostede o que liderara o apoio o club mais embelemático da cidade no momento mais complicado da historia.So espero co Celta non desapareza por que si asi fora vostede seria un dos principais responsabeis coa actitude PASOTA que neste momento esta tomando.O dito,conte cun voto menos e trtareis de convencer o maximo de xente posivel para facer o mesmo…..seguro que moitos celtistas votantes do BNG faran o mesmo…..Menuda decepción levei con vostede.
———-
RESPOSTA
Aprezado José:
Sinto moitísimo que as súas decisións a hora de votar por unha formación política se baseen soamente nun sentimento e non no traballo que cada partido fai ou o seus proxectos de futuro. Dito isto, teño que engardir que sinto tamén moito facerlle dano coa miña opinión, pero teño que guiarme pola miña responsabilidade como xestor público, antes que polo meu corazón de celtista. Reitero que a miña disposición a axudar ao Celta é total, pero tamén reitero que a ampliación do convenio debe ir suxeita a que o club poña tamén contrapartidas, que en ningún caso van a entorpecer a súa supervivencia. Desde logo a única e exclusiva responsabilidade de que o Celta poda desaparecer, situación que de ningún xeito desexo, é den que xestiona o club, que foron os que permitiron que se chegara a esta situación.
Un saúdo.
20 de Xuño do 2008 ás 10:36 am
Hola Santiago:
Primeiramente dacirche que sou votante do BNG de sempre. Sou de Pontevedra e claro voto aqui. Pero teño unha paixón, a parte da minha familia, e esa é o R.C. CELTA.
Pareceme increible as dudas que podedes ter con respecto á cesión de Balaidos, A Madroa e Barreiro. Creo que é un prezo baixo para todo o que supón o Celta para a cidade e para Galiza. Ademais polo que tenho entendido só e a cesión, nao pede cartos. E non me veñas con eso de que é unha S.A. porque ti sabrás melhor ca min que tratos de favor a empresas privadas ainos e son de risa. Ademais non estamos a falar de calquer empresa estamos a falar de un sentimento.
O Celta é un simbolo non só de Vigo, de Galiza enteira.Depois da Catedral de Santiago, a choiva e o marisco seguro que é o mais conhecido e que leva as cores e o escudo de Galiza por todo o mundo e si fai falta darlle o “cu” (perdón pola expresión) se lhe da.
Onte me dizia un amigo (70 anos) se o Celta desaparece non tenho mais motivación na vida e esto mo dizia entre mágoas.
Mira, aqui en Pontevedra estanlle a facer un campo novo ao Pontevedra e ninguen di nada todo o contrario orgullosos que están. A Diputación deulhe cartos e ninguén di nada.
Por favor non fagades demagogia co Celta. O celtismo é un sentimento,unha relixón. Non o enterredes.
Unha aperta
—————-
RESPOSTA
Aprezado Pedro César:
Estou darcordo con vostede en que as administracións teñen que colaborar na reforma de Balaídos como fixeron con Pasarón, pero non comparto contigo a túa reflexión xeral. Unha vez máis o Celta pide respaldo ao Concello diante dunha situación economica que ven como consecuencia dunha mala xestión por parte dos responsables do club. ¿Pareceríalle normal a vostede que un empresario que gasta os seus beneficios en cuestións que non repercuten na empresa ou que coa súa mala xestión faga que os seus traballadores vaian ao paro recibira subvencións da Administración publica? ¿Cantas veces as administracións tiveron que rescatar clubes por unha mala xestión ou por ter contratos millonarios con xogadores que para nada repercuten a dar estabilidade ao equipo?
Hai que axudar ao Celta, por suposto que si, pero ten que poñer enriba da mesa as cousas claras. ¿Pareceríalle normal que un amigo lle dixera a vostede o seu piso para vivir nel de xeito gratuito e que fora ese amigo quen lle tivera que facer o mantemento do piso, pagarlle a luz e a auga e cando a vostede se lle estropeara algo na casa terlle que pagar a vostede a reparación?
Claro que non podemos facer demagoxia co Celta. Pero eu creo que a demagoxia se fai cando non se é capaz de distinguir entre a responsabilidade política do corazón de celtista e o sentimento de amor a unha cores. En Vigo hai moitas persoas ás que non lle gusta o fútbol, pero que lles gustaría que os seus fillos ou fillas fixeran deporte. Por esta xente é pola que temos que ter claro que desde a Administración que non se poden mezclar os sentimentos e a responsabidade política. ¿Sería moito pedir, por exemplo, que o convenio co Celta repercutira dalgún xeito no deporte base? Deixo esa reflexión….
Unha aperta.