Reencontro
Abro novamente esta fiestra e asómome a ela agardando atoparvos ao outro lado. Quero abrila pedíndovos desculpas polo tempo que estivo pechada, moito máis do que eu desexaba. Quixemos mellorala e darlle unha nova imaxe e o que pensamos que ía ser un proceso sinxelo, complicouse máis do desexado e fixo que durante estes últimos meses este canle de comunicación que manteño con vós permanecera inactivo.
A ausencia destes meses non fixo máis que reafirmarme na necesidade de contar cun foro, como este, a través do que poder trasmitirvos as miñas opinións e inquedanzas e recoller as vosas suxestións e tamén, por suposto, as vosas críticas. Tras os primeiros meses de toma de contacto coas responsabilidades de goberno, agora estamos xa metidos de cheo na xestión e posta en marcha de novos proxectos. É por iso, que quero escoitarvos, quero coñecer o que pensades e quero saber cal é a vosa visión do que estamos a facer.
Comprometinme durante a campaña a manter un contacto permanente cos veciños e veciñas e penso que este é un bo xeito de facelo. Agardo que, tras este reencontro, recuperemos o diálogo que mantivemos cando inicie este blog. Ao igual que entón continuarei respostando a todos os vosos comentarios. O único que vos pido é un pouquiño de paciencia se tardo en contestarvos. Irei atendendo ás voas opinións e suxestións dependendo do tempo de que dispoña, que uns días será máis e outros menos, pero podedes ter a certeza de que ningún quedará sin atender.
Dagora en diante aquí me podedes atopar, disposto a escoitar…
Etiquetas: diálogo, Santi Domínguez, Vigo
2 de Xullo do 2008 ás 2:57 pm
Hola Santi.
Un saludo, deseo que todo te vaya bien
felicidades por tu trabajo
Lo de el Celta es una opinión compartida. creo que el 99% opinamos lo mismo.
haber que pasa!
———–
RESPOSTA
Amigo Javier!
Alédome moito moito de atoparte por aquí.
Sei ben que hai moita xente, moitos deles celtistas, que entenden e comparten esta posición, que de ningún xeito supón ir en contra do Celta e do que representa.
Moitas grazas polo teu apoio. Unha forte aperta.
30 de Decembro do 2007 ás 2:25 am
Querido Santi… benvido de novo despois de CINCO longos meses de ausencia na rede eu xa pensaba o peor: outro que nos veu comer o coco coas novas tecnoloxías para apañar un puñado de votos !
Como verás a decepción foi algo grave cando constataba que este lugar non se volvía abrir nunca máis… alégrome moito de comprobar que as miñas dúbidas foron precipitadas e un erro total (pois veño de ler tódalas intervencións da sección EXPRÉSATE e podo constatar en volves con MAIS FORZA e moita máís EFICACIA cara a manter unha auténtica Participación Cidadá na rede… PARABÉNS !!!)
Só me resta recomendarte que para outra ocasión NON elimines o histórico do teu blog… xa que moitos temas tratados e propostas feitas perderonse e pode que teñamos que volver a falar delas en breve… Agardo que non suceda algo similar de cara ás vindeiras eleccións xerais do 9 de Marzo… pois alguns xa están pensando que este é o motivo fundamental para reabrir o teu Blog!
Xa sabes que son da opinión de transformar radicalmente a chamada ‘clase política’ en Servidores-Xestores da cousa pública… e polo tanto celebro esta reaparición e desexoche que sexa para sempre: esteas ou non esteas no goberno local, nacional ou europeo… as ideas sempre será boa cousa debatilas cos que teñen que padecer as consecuencias ou beneficiarse delas para facer da politeia algo máis humano e verdadeiramente participativo…
Parabéns pola decisión de estar de novo entre os que te levaron a onde estás: os cidadáns deste Vigo medio tolo que sofrimos a diario e que soñamos dende fai anos con melloralo de vez… ogallá sexa algo máis cun soño…!!!
Benvido e grazas por estar disposto a ESCOITAR !
————–
RESPOSTA:
Querido amigo:
Alédame moito que de novo volvas a poñerte en contacto conmigo. Sigo á vosa disposición para atender as vosas suxestións, as vosas críticas e sobre todo as vosas gañas por colaborar con esta cidade. Podoche asegurar que o único motivo para ter pechado o blog foron as cuestións técnicas; prometin que o ia manter e así será.Non se volveu a abrir por mor das eleccións xerais, senon porque sigo crendo que o contacto coa cidadanía é a fórmula ideal para ter éxito na xestión. Escoitar á xente será sempre unha obsesión para min.
Unha apetrta moi forte. Sigo contando contigo.
29 de Decembro do 2007 ás 11:13 pm
Home, veñen as eleccións, benvido de volta. Hai que facer forza en Madrid e todas esas matracas con que nos castigaredes os oídos aos que votan e aos que non o facemos. Supoño que presidentetourino.com tamén se poñerá a rular de novo. Coñezo a un do Bng de Ribeira que leva co seu blog tirado desde que se meteu en política. Facer política neste país e falar cos cidadáns, sexa en blogs ou en persoa, é incompatible. Pero agradécese que o intenten…
——————
RESPOSTA
Aprezado Pablo:
Somentes teño que dicir que estás totalmente errado nas túas apreciacións. Este blog está aberto novamente porque así o decidín cando na campaña electoral descubrín a súa utilidade para estar preto da cidadanía e coñecer a súas opinións e demandas. Lamentablemente non teño todo o tempo que desexaría para adicarme a el, pero comprométome a atender todos os comentarios que cheguen e tamén a deixar aquí as miñas reflexións. Agardo que co tempo descubras a túa equivocación sobre as sospeitas que hoxe manifestas.
Un saúdo.
13 de Decembro do 2007 ás 9:27 pm
noraboa polo blog persoal dun político,
nun momento onde a presión médiática é enorme, onde reina “o tomate, onde este tipo de “cultura é o producto máis á venta, onde clama a ausencia do mínimo criterio racional…
a tua oferta de abrir foros de participación á cidadanía e coa cidadanía é un reto e un obxetivo en sí mesmo, nunha cidade amante e pioneira da participación veciñal, sindical, poética,… como vigo. a ver que nos sae …
———————-
RESPOSTA:
Ola Raquel!
Alédome moito de atoparte aquí. Como ben dis Vigo foi pioneira para que a cidadanía tivera canles para opinar e participar e penso que é obriga dos representantes públicos tratar de favorecer que eso sexa así. Eu, dende aquí, trato de aportar o meu gran de area.
Un bico. Agardo seguir atopándome contigo neste foro.
11 de Decembro do 2007 ás 3:13 pm
É de agradecer e parabenizar o feito de que a procura dunha maior interlocución coa cidadanía, coa veciñanza, sexa unha cuestión de convicción e que se corresponde cun xeito de entender a política, e non un mero artificio electoralista como no caso doutras forzas políticas.
O BNG ten demostrado ser unha forza política útil ao servizo das persoas, e para iso o diálogo, a capacidade de escoitar e atender a opinión das/os cidadás/cidadáns.
Grazas pola reapertura deste blogue, e moito ánimo.
————————————————————–
RESPOSTA:
Aprezado Xabier!
Resumes perfectamente o sentido deste blog. Descubrimos durante a campaña electoral que esta é unha ferramenta moi boa para saber realmente o que a cidadanía pensa e sinte e xa entón tivemos claro que tiña que mantelo para que a nosa xestión de goberno fora o máis próxima posible á xente. Desde logo no BNG somos coherentes co que dicimos e facemos e por iso este blog ten realmente sentido.
Moitas grazas e unha aperta.
11 de Decembro do 2007 ás 9:21 am
Benvido Santi “por navidad” a estes mares que nos unen ós galegos espallados . Dexeso que consigas facer de Vigo unha cidade para o disfrute dos vigueses, e dos non vigueses.Son verbas sinxelas o dicer”facer unha cidade “mais xa é chegado o tempo de facer de Vigo o que sempre sentimos ,e que endexamais poidemos levar á prectica,á realidade… e se non se pode ,xa chegará o tempo… Sigue sendo unha boa persoa, defende os intereses lexítimos dos sen voz ,dos que non contan, e ten moito coidado entre os Keynesianos e os da escola de Chicago , e tamen dos outros (os que todos sabemos quen son e non podemos debuxar con verbas)… Boa sorte e Boas festas..dende lonxe.
————————————————————–
RESPOSTA
Aprezado amigo!
Moitas grazas polos teus consellos e polos teus bos desexos. Podes estar certo de que o meu obxectivo desde a responsabilidade de goberno que agora teño é a de conseguir que teñamos un Vigo no que todos e todas vivamos mellor e que a nosa cidade teña a proxección internacional que lle corresponde. Creo sinceiramente que unha cousa está vencellada a outra e temos que pular por artellar os mecanismos e iniciativas que o fagan posible. Desde logo que este obxectivo perseguireino nin renunciar ao que son e a como son.
Unha forte aperta.